Түргэн хариулт
Нэг асуулт — нэг хариулт. Хамгийн их асуудаг зүйлсийн товч хариулт
Ажил · 2026.07.17
Оюутан визтэй (D-2, D-4) хэдэн цаг ажиллаж болох вэ?
Ажиллаж эхлэхийн ӨМНӨ заавал цагийн ажлын зөвшөөрөл (시간제취업허가) авна. Бакалавр (D-2): хичээлтэй үед ажлын өдөр 10 цаг (хэлний шаардлага хангавал 25 цаг), хангасан үед амралтын өдөр хязгааргүй. Барилга бүрэн хориотой, үйлдвэр зөвхөн TOPIK 4급-с дээш зөвшөөрөгдөнө.
Ирсний дараа · 2026.07.17
Гадаадын иргэний үнэмлэх (외국인등록증) яаж авах вэ?
Солонгост 90-ээс дээш хоног байх бол ирснээс хойш 90 хоногийн дотор харьяа 출입국·외국인청-д очиж бүртгүүлнэ. HiKorea (hikorea.go.kr)-аар урьдчилан цаг авна. Хураамж ₩30,000~₩35,000, үнэмлэх гарах хугацаа ердийн 2-4 долоо хоног. Банк, утас, даатгал — бүгдэд энэ үнэмлэх хэрэгтэй тул хамгийн түрүүнд хийх ажил.
Мөнгө ба санхүү · 2026.07.17
Банкны данс нээхэд юу хэрэгтэй вэ?
외국인등록증, гадаад паспорт, өөрийн нэр дээрх Солонгосын утасны дугаар — энэ гуравтай бол банкны салбарт очиж данс нээнэ (зарим банк ажлын гэрээ нэмж шаардана). Гадаадын иргэдэд Хана, Ури, IBK банк хамгийн түгээмэл. Очихоосоо өмнө салбар руугаа залгаж бичиг баримтаа лавлавал дахин очих шаардлагагүй.
Ирсний дараа · 2026.07.17
Гар утасны SIM карт, дугаар яаж авах вэ?
외국인등록증 гараагүй эхний үед нисэх буудал, 편의점-өөс паспортоор урьдчилсан төлбөрт (선불) SIM авна (₩18,000~₩50,000, 3~90 хоног). 외국인등록증 гарсны дараа сарын гэрээ (후불) хийвэл илүү хямд — сарын ₩15,000~₩30,000, алвалт фон (MVNO) бүр хямд.
Эрүүл мэнд · 2026.07.17
Эмнэлэгт үзүүлэхэд хэд төлөх вэ? Яаж хандах вэ?
Naver Map-аас "병원" гэж хайж ойрын эмнэлэгт 외국인등록증 (эсвэл паспорт)-той очиж бүртгүүлнэ. Даатгалтай бол дүүргийн эмнэлэгт (의원) ₩5,000~15,000, даатгалгүй бол ₩30,000~50,000 төлнө. Жороор эм авахад даатгалтай бол ₩2,000~5,000. Яаралтай үед 119.
Амьдрал · 2026.07.17
Яаралтай үед аль дугаар руу залгах вэ?
Түргэн тусламж, гал — 119. Цагдаа — 112. Виз, бүртгэл — 1345 (Монгол хэлтэй). Цалин, ажлын асуудал — 1644-0644 (Монгол хэлтэй). Орчуулга хэрэгтэй бол BBB Korea 1588-5644 (24 цаг, үнэгүй, Монгол хэлтэй). Монгол ЭСЯ (Сөүл): 02-798-3464.
Ажил · 2026.07.17
Ажил дээр гэмтвэл яах вэ?
Эхлээд эмнэлэгт хандаарай (ноцтой бол 119). Дараа нь ажил олгогчид бичгээр мэдэгдэж, 근로복지공단-д 산재 (үйлдвэрлэлийн ослын даатгал) мэдүүлнэ — эмчилгээний зардал, цалингийн нөхөн олговор авах эрхтэй. Бүртгэлгүй (불법체류) ажилчид ч 산재보험-д хамаарна. Монгол хэлээр зөвлөгөө: 1644-0644.
Ажил · 2026.07.17
2026 онд Солонгосын хамгийн бага цалин хэд вэ?
2026 оны хамгийн бага цалин цагт ₩10,320 (2025 оноос 2.9% өссөн). Сарын цалингаар ₩2,156,880 (7 хоногт 40 цаг, сард 209 цаг, 주휴수당 багтсан). Илүү цаг, шөнийн (22:00~06:00), амралтын өдрийн ажилд +50% нэмэгдэл заавал олгогдоно. Үүнээс доош цалин олгох нь хууль бус.
Мөнгө ба санхүү · 2026.07.17
Эх орондоо буцахдаа тэтгэврийн мөнгөө (국민연금) буцааж авч болох уу?
Тийм. E-9 визтэй ажилчид Солонгосоос эцэслэн гарахдаа сар бүр цалингаас суутгагдсан тэтгэврийн шимтгэлээ 반환일시금 хэлбэрээр буцааж авах боломжтой. Аль ч 국민연금공단 салбарт өргөдөл гаргана — Инчон нисэх буудалд гарах өдрөө бэлнээр авч болно. Эрх үүссэнээс хойш 5 жилийн дотор нэхэмжлэхгүй бол мөнгөө алдана.
Байр · 2026.07.17
Байрны барьцаагаа (보증금) яаж хамгаалах вэ?
Гэрээ хийхийн өмнө 등기부등본 шалгаж, жинхэнэ эзэмшигчтэй гэрээ хийж буйгаа баталгаажуулна (인터넷등기소, ₩700). Барьцааг заавал эзэмшигчийн данс руу шилжүүлнэ — бэлнээр өгвөл нотолгоогүй болно. Нүүж орсны дараа 15 хоногийн дотор 주민센터-д 전입신고 хийж, 확정일자 (₩600) авбал барьцаа тань хуулиар хамгаалагдана.
Мөнгө ба санхүү · 2026.07.15
Солонгосоос Монгол руу яаж мөнгө шилжүүлэх вэ?
Монгол хэлний дэмжлэгтэй GME Remittance, Hanpass зэрэг шилжүүлгийн апп ашиглах нь хамгийн хялбар, хямд (хураамж ₩5,000 орчим, 1-2 өдөр). Банкны шууд шилжүүлэг удаан (2-5 өдөр), хураамж өндөр, төгрөг (MNT) рүү шууд хөрвүүлэх боломжгүй.
Тээвэр · 2026.07.15
Метро карт (T-money) хаанаас авч, яаж цэнэглэх вэ?
T-money картыг GS25, CU, 세븐일레븐 зэрэг дэлгүүр, метро станцын автомат, Инчон нисэх буудлаас ₩2,500~₩4,000-өөр авна. Дэлгүүрийн кассанд бэлэн мөнгөөр ₩1,000~₩90,000 хүртэл цэнэглэнэ. Метро, автобус, такси, дэлгүүрт ашиглана.
Виз · 2026.07.15
Визний хугацаагаа яаж сунгах вэ?
Виз сунгах хүсэлтийг хугацаа дуусахаас 4 сарын өмнөөс дуусах өдөр хүртэл гаргаж болно. HiKorea (hikorea.go.kr)-аар онлайнаар (дуусахаас 3~60 хоногийн өмнө) эсвэл 출입국·외국인청-д биечлэн очиж хийнэ. Хураамж ₩60,000.
Ажил · 2026.07.15
Цалингаа авч чадаагүй бол яах вэ?
Эхлээд 1644-0644 (외국인력상담센터) руу залгаж Монгол хэлээр үнэгүй зөвлөгөө аваарай. Дараа нь нотлох баримтаа цуглуулж 고용노동부 (1350, labor.moel.go.kr)-д гомдол гаргана. Гэрээгүй, бүртгэлгүй ажилласан ч цалингаа нэхэх эрхтэй.
Хайсан зүйлээ олсонгүй юу?
Асуултаа үлдээгээрэй — бид олж мэдээд хариултыг энд нэмнэ.